[动漫节2015]动漫节最后召集!加码优惠限量Figure同

今个星期五就係暑假焦点节目动漫电玩节,临到最后冲线阶段,两大游戏主机厂商PlayStation同Xbox竟然一齐话要将优惠加码,同时其他参展商亦陆续预告登场玩具,如果大家个心重係十五十六,唔知去唔去逼好,不妨先睇睇以下预览,睇睇有冇你锺意动漫角色。

1. PlayStation
Sony会场重点何止Morpheus,几乎买亲主机都有优惠,而家赠品再度升级,似乎唔换新机都唔得。
送Snake义肢:首左腕三名预订PS4《METAL GEAR SOLID V:THE PHANTOM PAIN》同捆装嘅朋友,会得到游戏仿生义肢套装,设计根据Snake只红色生化手臂,1:1比例,真係戴得上手!
送多$200:买任何PS4同捆装唔只原原装黑色无线手掣,而家重会额外送多$200现金券,夹埋悭$598。
偷睇福袋:每日首100名购买PS4或PS Vita,都送总值最高$1,200嘅福袋,里面可能会有蝙蝠侠或悟空figure、尿袋等等。

[动漫节2015]动漫节最后召集!加码优惠限量Figure同

2. Xbox
Xbox One本来赠品阵容都唔弱,加码后更係甚具创意而不失实用!其实重有个送平板嘅优惠,可惜笔者截稿前已经满咗额……
送你返屋企:如果你係每日头100个买任何Xbox主机套装,会送$200 Uber预付卡,方便你买完一抽二褦即刻call车返屋企。
送半年宽频:50位买到《Assassin’s Creed Unity》Xbox One 500GB主机套装或Halo: The Master Chief Collection》Xbox One 1TB主机套装嘅玩家,获赠以下产品:下载版《Gear of War: Ultimate Edition》加4个角色,现有香港宽频客户就有埋半年1Gbps宽频,计埋都值成千五以上,另外重可以以8折买指定专用配件。

除咗有得疯狂shopping外,两边嘅试玩游戏阵容一样加码。这边厢Xbox摊位加推《Tom Clancy's The Division》畀你试,那边厢PS就回敬《Star Wars: Battlefront》,净係蒲呢两个摊位都够玩成日!
3. Gameone
本地PC网上游戏公司Gameone将推出多款游戏道具包及特典,包括《天龙八部3D》神剑段誉包及《火凤燎原》风华绝代包。此外Gameone亦準备陈浩南龙头版、邱福龙1:6比例figure连backdrop及配件、Crz写真集发售。就算到时真係冇嘢啱买,Gameone已经预备定唔少表演节目,例如由港台o靓模组成两队表演《金庸 vs. 古龙》对决、Gameone Image girl选举。

[动漫节2015]动漫节最后召集!加码优惠限量Figure同

4.《勇者的盆栽Heroes Flick》
这是手机游戏,摊位会準备小游戏,畀大家赢下道具,重请咗张继聪与新晋女子组合「Girls' Sample少女标本」其中两位成员Coco同Kabby,同大家一齐玩游戏兼且大送精品。

[动漫节2015]动漫节最后召集!加码优惠限量Figure同

5. Hot Toys
Hot Toys首次同迪士尼合作策划Star Wars及Marvel大型展览,当然有极多相关嘅figure同场景展出。现场提供珍藏版figure优先预订,包括《复仇者联盟2:奥创纪元》 1:4比例Iron Man Mark XLV、《铁甲奇侠3》1:6比例Iron Man Mark XL、《铁甲奇侠3》1:6比例Pepper Potts及Mark IX套装,以及《星球大战IV:新的希望》1:6 比例Princess Leia,现场落订会各自额外送唔同嘅配件。

[动漫节2015]动漫节最后召集!加码优惠限量Figure同
[动漫节2015]动漫节最后召集!加码优惠限量Figure同
[动漫节2015]动漫节最后召集!加码优惠限量Figure同
[动漫节2015]动漫节最后召集!加码优惠限量Figure同
[动漫节2015]动漫节最后召集!加码优惠限量Figure同

6. BU Toys
如果你係锺意日系玩具嘅老饼,BU Toys个摊位可能好啱你喇。事关佢今次主打永井豪嘅超级机械人产品,有多款铁甲万能侠(及其老友)同三一万能侠嘅figure畀大家购买或预订,当中4款更係会场限定特别色,加上一系列铁甲万能侠周边产品,铁甲迷万勿错过喇。

[动漫节2015]动漫节最后召集!加码优惠限量Figure同
[动漫节2015]动漫节最后召集!加码优惠限量Figure同

7.《变形金刚》产品
《变形金刚》唔只净係得电影版玩具受欢迎,今年轮到漫画版发威。《Combiner Wars》表现喜出望外,部份产品更一度断市;孩之宝推出《Combiner Wars》之中万众期待嘅建造派破坏者Devastator,六架建筑工程车结合成大大只又有型嘅机械人,包装经过精心设计,千祈咪畀小朋友见到呀!摊位重咗只4米高嘅破坏者喺度,想扮睇唔到都唔得呀。

[动漫节2015]动漫节最后召集!加码优惠限量Figure同
[动漫节2015]动漫节最后召集!加码优惠限量Figure同

8. Kids Logic
Kids Logic Q版老变同Marvel系列figure出哂名,今次佢哋会开售会场限定版马格斯(即白色嘅老柯),如果你有储开,就冇理由唔买埋嘅,反正又冇特别贵到;其他新品就有Iron Man Mark XXXVIII、Iron Monger等。

[动漫节2015]动漫节最后召集!加码优惠限量Figure同
[动漫节2015]动漫节最后召集!加码优惠限量Figure同

动漫节参展商阵容实在太过强大,例如重有Square Enix、Toei、Bandai、LEGO、千值练、玉皇朝、天下等好多摊位未介绍,大家去到都记得留意,有心丧买亦记得多啲cash呀!

如想了解时间表、收费及其他详情,可到官方网站查询。

要阅读更多今年动漫节2015报导,可按此。

上一篇: 下一篇: