[动漫节2015]带你走转ACGHK(电玩游戏篇)

香港已经冇专门嘅游戏展,所以各个游戏品牌均视「动漫电玩节」为香港最相关的大型展览。自去年Sony加入动漫节阵营,就形成明显两阵对垒嘅局面,加上今年高登仔最憎嘅某大手机游戏品牌缺席,搞到电玩方面剩低电视游戏咁,好彩重有几间有朵或新出嘅手机游戏公司撑场,不致变成一对一嘅沉闷局面。

PS阵营

今年PS阵营最杀食嘅当然係Project Morpheus,入场人士有得试,不过名额超珍贵!笔者亲身试过只恋爱模拟game《Summer Lesson》,虽然试玩版故事超短,但当女主角哄埋嚟嗰阵真係令人心跳加速,试过返唔到转头!唔好问我点解咁毒,呢啲嘢你哋行外人识条铁咩?除此之外,PS另一瞩目之处就係有《Star Wars Battlefront》同《街霸5》试玩版,好多朋友为咗佢哋等咗唔少时间。现场当然有一班game girls畀大家影相,据讲佢哋重会有个选举添,大家就算唔啱时间,都可以网上投票支持。

PS真係当正今次动漫节係大型游戏展咁搞,不但安排咗十多位游戏製作人同大家见面,重会喺会场轮流公布重大游戏消息,例如寻日公布用Project Morpheus玩嘅《虚拟枪弹辩驳VR 班级审判》、《Star Wars Battlefront》、《Mighty No.9》、《英雄传说 轨迹Evolution系列》等游戏中文化等,嚟紧几日就到其他游戏,大家不妨亲身去体验消息公布时嘅兴奋![adTag]

[动漫节2015]带你走转ACGHK(电玩游戏篇)
◆ 记得试《Summer Lesson》[动漫节2015]带你走转ACGHK(电玩游戏篇)
◆ 打《Star Wars》去嗰边[动漫节2015]带你走转ACGHK(电玩游戏篇)
◆ 打《街霸》嚟呢边[动漫节2015]带你走转ACGHK(电玩游戏篇)
◆ 重未买机?唔係嘛?[动漫节2015]带你走转ACGHK(电玩游戏篇)
◆ PS请来多位游戏製作人亲身公布重要消息[动漫节2015]带你走转ACGHK(电玩游戏篇)
◆ PS有Game Girls比赛,唔好问笔者心水,免得畀人话偏心。(图为笔者最爱4号Candice)

Xbox阵营

今年Xbox主打同Windows 10整合嘅功能,所以Xbox摊位有部份位置变咗摆电脑,等大家试用Windows 10。如果你纯粹想打机,Xbox都準备左几个大作畀大家玩吓,例如《The Division》同《Forza 6》,讲真两款都值得一试,但《The Division》就似乎要排得耐少少喇。《Forza 6》安排非常贴心,除咗準备咗张赛车椅连軚盘畀大家拣,重为哈比人同小朋友準备咗两部机用手掣玩,真係男女老幼都可以感受到《Forza 6》嘅超高画面质素。除咗试玩、试玩同埋试玩,呢边当然都有得影show girls,而且Windows 10、《Forza》、主机组都唔同look!

[动漫节2015]带你走转ACGHK(电玩游戏篇)
◆ 玩《Forza》有佢就更投入[动漫节2015]带你走转ACGHK(电玩游戏篇)
◆ 有体感game玩[动漫节2015]带你走转ACGHK(电玩游戏篇)
◆ 排队玩《The Division》[动漫节2015]带你走转ACGHK(电玩游戏篇)
◆ 《Minecraft》位有LEGO砌成嘅模型畀大家影下相[动漫节2015]带你走转ACGHK(电玩游戏篇)
◆ 要同罗莽合照?[动漫节2015]带你走转ACGHK(电玩游戏篇)
◆ Windows 10部份都有几位靓女[动漫节2015]带你走转ACGHK(电玩游戏篇)
◆ 细路仔要玩《Forza》就过嚟啦[动漫节2015]带你走转ACGHK(电玩游戏篇)
◆ 18禁游戏试玩区

Gameone与其他阵营

动漫电玩节入口一边除左Bandai同《One Piece》之外,基本上全部都係游戏公司霸晒,而Gameone就係其中一间。依家Gameone都係卖online game多,所以摊位除咗比赛同表演,主要都係卖卡。笔者就遇见一对情侣买咗一大叠每张价值$598嘅游戏道具卡,咁就已经多过好多人一个月嘅人工!真厉害。Gameone唔係净係试赚你钱嘅,摊位亦有搞下游戏比赛同image girl选举。

至于其他游戏公司数量唔多,睇得出都好肯使钱,例如nxTomo Games就请嚟几位靓女model同set左部机同大家影合照,又例如有间内地公司设计咗一个虚拟女角打算同佢推出游戏、唱片等,笔者就觉得呢啲虚拟公仔唱广东歌总係好似怪怪的,不过佢身边又有几位真人妹妹伴舞,都可以一睇嘅。

[动漫节2015]带你走转ACGHK(电玩游戏篇)
◆ Gameone摊位有自己舞台[动漫节2015]带你走转ACGHK(电玩游戏篇)
◆ 说好的虚拟明星呢?都係睇真人妹妹啦![动漫节2015]带你走转ACGHK(电玩游戏篇)
◆ 呢间设计虚拟偶像嘅公司连体感game都有[动漫节2015]带你走转ACGHK(电玩游戏篇)
◆ 《逐鹿三国》,唔知点解超多人排[动漫节2015]带你走转ACGHK(电玩游戏篇)
◆ nxTomo Game摊位有model同大家合照

按此阅读所有动漫节2015资讯

上一篇: 下一篇: